வெள்ளை மாளிகையின் முக்கிய ஆலோசகராக மருமகனை நியமித்த ட்ரம்ப்

அமெரிக்காவிவின் புதிய அதிபராக தேர்ந்தெடுக்கப்பட்டுள்ள டொனால்டு ட்ர்மப் தனது மருமகனை வெள்ளை மாளிகையின் முக்கிய ஆலோசகராக நியமித்துள்ளார்.

இதன்மூலம் ரியல் எஸ்டேட் நிர்வாகியான ஜார்ட் உள்நாட்டு மற்றும் வெளிநாட்டு குறிப்பாக மத்திய கிழக்கு நாடுகளில் வர்த்தகம் தொடர்பாக அம்சங்களை கவனிப்பார் என்று கூறப்படுகிறது.

டர்ம்பின் இந்த நடவடிக்கை கடுமையாக விமர்சித்த ஜனநாயக கட்சியினர், ட்ரம்ப் இந்த முடிவை மறுபரிசீலனை செய்ய வேண்டும் என்று கோரிக்கை விடுத்துள்ளனர்.

இது குறித்து ட்ரம்ப் கூறும்போது, "எனது மருமகன் மிகப்பெரிய சொத்து. அவருக்கு நிர்வாகத்தில் முக்கிய பதவி வழங்கியதில் பெருமை அடைகிறேன்" என்று கூறியுள்ளார்

வெள்ளை மாளிகையின் மூத்த ஆலோசகராக நியமிக்கப்பட்டத்தை அடுத்து குஷ்னர், ரியல் எஸ்டேட் தலைவர் பதவியிலிருந்து ராஜினாமா செய்யவுள்ளதாக அவரது வழக்கறிஞர் தெரிவித்தார்.

மேலும் குஷ்னர் வெள்ளை மாளிகையின் ஆலோசகராக சம்பளம் இல்லாமல் பணி செய்யவுள்ளதாக அமெரிக்க ஊடகங்கள் செய்தி வெளியிட்டுள்ளன.

35 வயதான ஜார்ட் குஷ்னர் ட்ரம்பின் மூத்த மகளான இவன்கா ட்ரம்பின் கணவர். அமெரிக்க அதிபர் தேர்தலின்போது ட்ரம்ப்பின் பிரச்சாரத்தில் முக்கிய பங்கு வகித்தவர் என்பது குறிப்பிடத்தக்கது.