ஆப்கனில் தற்கொலைப் படை தாக்குதல்: 7 பேர் பலி; பலர் காயம்

ஆப்கானிஸ்தான் தலைநகர் காபூலில் இன்று தீவிரவாதி நடத்திய தற்கொலைப்படை தாக்குதலில் 7 பேர் பலியாகினர். பலர் காயமடைந்தனர்.

இதுகுறித்து அதிகாரிகள் தரப்பில், "ஆப்கானிஸ்தான் தலைநகர் காபூலில் இன்று (வெள்ளிக்கிழமை) ஷியா மசூதிக்கு அருகில் தீவிரவாதி ஒருவர் தனது உடம்பில் கட்டியிருந்த குண்டை வெடிக்கச் செய்ததில் 7 பேர் பலியாகினர். பலர் காயமடைந்தனர். இது தொடர்பாக விசாரணை நடைபெற்று வருகிறது'' என்று தெரிவிக்கப்பட்டுள்ளது.

இந்தத் தாக்குதலுக்கு இதுவரை எந்த அமைப்பும் பொறுப்பேற்கவில்லை. எனினும் இந்தத் தாக்குதலை தலிபான்கள் நிகழ்த்தி இருக்கலாம் என்று ஆப்கன் பாதுகாப்பு அதிகாரிகள் சந்தேகம் தெரிவித்துள்ளனர்.

கடந்த ஜனவரியில் காபூலில் ஆம்புலன்ஸில் குண்டு நிரப்பி தாலிபன்கள் நடத்திய தாக்குதலில் பொதுமக்கள்  103 பேர் பலியானது குறிப்பிடத்தக்கது.