ஆப்கன் எல்லை கிராமங்களில் பாகிஸ்தான் குண்டு வீச்சில் 46 தீவிரவாதிகள் உயிரிழப்பு

காபூல்: பாகிஸ்​தானைச் சேர்ந்த தெக்​ரிக்​-இ-தலிபான் அமைப்​பின் தீவிர​வா​திகள் ஆப்கானிஸ்​தான் எல்லைப் பகுதி​களில் உள்ள கிராமங்​களில் பதுங்​கி​யுள்​ளனர். இவர்கள் அவ்வப்​போது பாகிஸ்​தான் எல்லை​யில் உள்ள ராணுவ வீரர்கள் மீது தாக்​குதல் நடத்து​கின்​றனர். இவர்​களுக்கு ஆப்கானிஸ்​தானின் தலிபான் அரசு முழு ஆதரவு அளித்து வருகிறது.

கடந்த மார்ச் மாதம் ஆப்கானிஸ்​தான் எல்லை​யில் பதுங்கி​யிருந்த தெக்​ரிக்​-இ-தலிபான்கள் மீது பாகிஸ்​தான் விமானப்படை தாக்​குதல் நடத்​தி​யது. அதன்​பின் இது போன்ற நடவடிக்கையை நேற்று முன்​தினம் இரவு பாகிஸ்​தான் விமானப்படை மேற்​கொண்​டது.

ஆப்கானிஸ்​தான் எல்லை​யில் பக்திகா என்ற பகுதி​யில் உள்ள 7 கிராமங்​களில் தீவிரவாத பயிற்சிமுகாம்களை குறி​வைத்து இந்த தாக்​குதல் நடத்​தப்​பட்​டது. இதில் 46 தீவிர​வா​திகள் உயிரிழந்​தனர். இந்த தாக்​குதல் குறித்து பாகிஸ்​தான் ராணுவம் எந்த கருத்​தும் தெரிவிக்க​வில்லை. உளவுத் தகவல் அடிப்​படை​யில் இந்த தாக்​குதல் நடத்​தப்​பட்டது என்று பாகிஸ்​தான் கூறி​யுள்​ளது.

தலிபான்கள் தலைமையிலான ஆப்கானிஸ்​தான் பாது​காப்புத்​துறை அமைச்​சகம் எக்ஸ் தளத்​தில் வெளி​யிட்​டுள்ள செய்தி​யில், ‘‘பாகிஸ்​தான் நடத்திய தாக்​குதலை கண்டிக்​கிறோம். வசிரிஸ்​தான் அகதிகளை குறி​வைத்து இந்த தாக்​குதல் நடத்​தப்​பட்​டுள்​ளது. இது போன்ற தன்னிச்​சையான நடவடிக்கைகள் மூலம் எந்த பிரச்​சினை​களுக்​கும் தீர்வு காண முடி​யாது என்பதை பாகிஸ்​தான் உணர வேண்​டும். ஆப்கானிஸ்​தானுக்கு தங்களின் நிலத்​தை​யும், இறை​யாண்​மை​யை​யும் பாது​காக்க உரிமை உள்​ளது. அத​னால் பாகிஸ்​தான் ​தாக்​குதலுக்கு ப​திலடி ​கொடுக்​கப்​படும்​’’ என கூறி​யுள்​ளது.