உலக தாய்மொழி நாள் | அழியும் இந்திய மொழிகள்

இந்தியாவில் நூற்றுக்கணக்கான மொழிகள் இருந்தாலும் அடையாளம் காணப்பட்டவை, 270 மொழிகள் மட்டுமே.

l 2011 மக்கள்தொகை கணக்கெடுப்பின்படி, இந்தியாவில் 121 மொழிகள் 10,000-க்கும்அதிகமானோர் பேசுபவையாக உள்ளன. இதில், இந்திய அரசமைப்பின் 8ஆவது அட்டவணையில் 22 மொழிகள் பட்டியலிடப்பட்டுள்ளன.

l அட்டவணையில் பட்டியலிடப்பட்ட மொழிகளைத் தாய்மொழியாகக் கொண்ட இந்தியர்கள் 96.71 சதவீதத்தினர். பீப்பிள் லிங்க்விஸ்டிக் சர்வே இந்தியா (PLSI) அமைப்பின் ஆய்வறிக்கையின்படி இந்தியாவில் கடந்த 50 ஆண்டுகளில் 220-க்கும் அதிகமான மொழிகள் அழிந்துள்ளன.

l இந்தியாவில் தற்போதைய நிலையில் மக்களால் பேசப்பட்டு வரும் 42 மொழிகள் அழியும் நிலையில் இருக்கின்றன. இந்த மொழிகளை 10,000க்கும் குறைவானவர்களே பேசி வருகின்றனர்.

l இந்த 42 மொழிகளில், அதிகபட்சமாக அந்தமான்-நிகோபார் தீவுகளில் 11 மொழிகள் அழியும் நிலையில் இருக்கின்றன. மணிப்பூரில் 7 மொழிகள், இமாச்சலப் பிரதேசத்தில் 4 மொழிகளும் ஒடிஷாவில் 3 மொழிகளும் அழியும் நிலையிலுள்ள மொழிகளின் பட்டியலில் அடக்கம்.

l தமிழ்நாட்டில் கோத்தா, தொதவா மொழிகள் அழியும் பட்டியலில் இடம் பிடித்துள்ளன. இவை முறையே நீலகிரி கோத்தர்கள், தொதவர்கள் பேசும் மொழிகள். அப்பகுதியில் தமிழ் அதிகம் ஊடுருவுவதே இம்மொழிகளின் தேய்வுக்குக் காரணம்.

l 1971 - 2011 வரையிலான காலத்தில் இந்தி மொழி 161 சதவீத வளர்ச்சி கண்டுள்ளது. இதே காலகட்டத்தில் தமிழ் உள்ளிட்ட தென்னிந்திய மொழிகள் 81 சதவீத வளர்ச்சியை மட்டுமே கண்டுள்ளன.

l 2001-11 காலகட்டத்தில் இந்தியாவில் ஆங்கில மொழி பேசுவது 15 சதவீத வளர்ச்சியைக் கண்டுள்ளது. இந்தியாவில் வேகமாக வளர்ந்து வரும் மொழிகளில் ஒன்றாக ஆங்கிலமும் உள்ளது.