எண்ணும், எழுத்தும் பயிற்சியால் நிறுத்தப்பட்டுள்ள பாடப்புத்தக கல்வி முறை: இரு பாடத்திட்டங்களையும் தொடர அரசு பள்ளி ஆசிரியர்கள் வலியுறுத்தல்

சென்னை: மாணவர்கள் நலன்கருதி எண்ணும்,எழுத்தும் பயிற்சி மற்றும் பாடப்புத்தககல்விமுறை ஆகிய 2 பாடத்திட்டங்களை தொடர வேண்டும் என்று அரசுப்பள்ளி ஆசிரியர்கள் வலியுறுத்தியுள்ளனர்.

தமிழகத்தில் கரோனா பரவலால் 2020, 2021-ம் ஆண்டுகளில் பள்ளிகள்முழுமையாக செயல்படவில்லை. இதனால் அரசு பள்ளி மாணவர்களிடம் ஏற்பட்டுள்ள கற்றல் இடைவெளியை சரிசெய்வதற்கு இல்லம் தேடி கல்வி, உட்பட பல்வேறு திட்டங்களை தமிழக அரசு செயல்படுத்தி வருகிறது.