உலகை மாற்றும் குழந்தைகள் 2: கேலி செய்யாதே பாப்பா

ஊர் திருவிழா. வண்ண விளக்குகள், தோரணங்கள், பொம்மை கடைகள், ராட்டினம், தேர் என்று ஊரே கலகலப்பாக இருந்தது. இரவில் கலைநிகழ்ச்சிகள் தொடங்கின. இளைஞர்கள் பாடினார்கள், ஆடினார்கள்.

அடுத்ததாக, குழந்தைகள் நடனம்ஆட வந்தார்கள். லிப்ஸ்டிக் உதடுகளுடன், இடுப்பை வளைத்து, கண்களை உருட்டி ஆடினார்கள். அப்போது, வானத்தில் புஸ்வானம் பல்வேறு வண்ணங்களில் சிதறியது. ஆடிக்கொண்டிருந்த அகல்யா, ஆடுவதை நிறுத்திவிட்டு அவ்வண்ணங்களை லயித்து பார்த்தாள். உடனே, எல்லாரும் கேலியாகச் சிரிக்க ஆரம்பித்தார்கள். அல்லி உட்பட சில மாணவிகள் மட்டும் சிரிக்கவில்லை.