உலகை மாற்றும் குழந்தைகள் 1:பாலி தீவில் நெகிழியை ஒழித்த சகோதரிகள்

கடைக்குச் செல்வதென்றாலே விமலுக்கு மிகவும் பிடிக்கும். தனக்குப் பிடித்த சாக்லெட் வாங்கிச் சாப்பிடலாம்தானே, நேற்று கடைக்குப் போன விமல், “அண்ணா, அரைகிலோ சீனி, கடலை மிட்டாய் பாக்கெட் ஒன்று, ரொட்டி பாக்கெட் ஒன்று” கேட்டான்.

மூன்றையும் எடுத்த கடைக்கார அண்ணன் நெகிழி (பிளாஸ்டிக்) பையில் போட்டார். “அண்ணா, வேண்டாம். என்னிடம் பை இருக்கிறது” என்று அழகான காகிதப் பையை உயர்த்தினான். “என்ன இது புது பழக்கம்?” என்று கேட்கவும், “சும்மா” என்றுசொல்லிவிட்டு புன்னகையுடன் புறப்பட்டான்.