அறிவியல்ஸ்கோப் - 30: ஒரு கேள்விக்கு பல பதில்கள் உண்டு!

அறிவியல்ஸ்கோப் மூலமாக கடந்த 29 வாரங்களாக அறிவியல் அறிஞர்களின் கொள்கைகள் கோட்பாடுகளைவிட அதனை அடைய அவர்கள் சந்தித்த சவால்களை விளக்கவே முற்பட்டோம்.

அறிவியல் கற்பதற்கு தடையாக உள்ள வறுமையை அவர்கள் வென்றெடுத்த வழிவகைகள் யாவை, அவர்களுக்கு குடும்பஉறுப்பினர்கள் மற்றும் ஆசிரியர்கள் எவ்வாறு உதவிகரமாக இருந்தார்கள், நடைமுறையில் இருக்கும் நம்பிக்கைகள் எவ்வாறு அவர்களது முன்னேற்றங்களுக்குத் தடையாக இருந்தன, முக்கிய மதம்எவ்வாறெல்லாம் முட்டுக்கட்டை போட்டது, ஆட்சியாளர்கள் எவ்வாறு அறிவியலாளர்களை தவறாகப் புரிந்துகொண்டனர், எத்தகைய இக்கட்டான சூழல்களில் விஞ்ஞானிகள் பணியாற்ற வேண்டிய இருந்தது, எவ்வாறு அந்த தடைகளையெல்லாம் அவர்கள் வென்றெடுத்தார்கள் உள்ளிட்டவற்றை பார்த்தோம். இன்றைக்கும் இத்தகைய சவால்கள் மறைந்தபாடில்லை.