டிஜிட்டல் கில்லாடி ஆகலாம்! - 31: சத்தமில்லாத டிஜிட்டல் புரட்சி

நாம் இதுவரை நிறைய படித்து விட்டோம். இனி செய்து பார்க்க வேண்டியது முக்கியம். செய்து பார்ப்பதில் இரண்டு வகை உண்டு. முதலாவது நடைமுறை (practical). இரண்டாவது பயிற்சி (practice).

நடைமுறை என்பது நாம் படித்து அறிந்து கொண்டதை சோதித்துப் பார்த்து சரி என நம்புவது. உதாரணத்துக்கு, காலால் உதைத்தால் பந்து வேகமாக நகரும் என படித்ததை ஒரு முறை செய்து பார்த்தால் நம்பி விடுவீர்கள். ஆனால், நீங்கள் சிறந்த கால்பந்தாட்ட வீரராக உருவாக வேண்டும் என்றால் தினமும் பயிற்சி செய்ய வேண்டும். இதைத்தான் பிராக்டிஸ் என்கிறோம்.