நீங்க ‘பாஸ்' ஆக வேண்டுமா? - 30: பங்குச்சந்தையில் போலி நிறுவனங்களை கண்டுபிடிப்பது எப்படி?

‘30 ஆண்டுகளுக்கு முன் இன்போசிஸ் நிறுவனப் பங்கை 10,000 ரூபாய்க்கு வாங்கி இருந்தால், இன்று அது 500 கோடி ரூபாயாக மாறி இருக்கும்' என்ற ஃபார்வர்ட் மெசேஜை வாட்ஸ் அப்பில் நீங்கள் படித்திருப்பீர்கள். இந்த மெசேஜ் உண்மைதான்.

நல்ல நிறுவனத்தின் பங்குகளை வாங்கியவர்கள் சற்று நீண்ட காலம் காத்திருந்தால், எதிர்பார்த்ததை விட பன்மடங்கு லாபம் கிடைக்கும். அதேவேளையில் மோசமான நிறுவனத்தின் பங்குகளை வாங்கினால் அதன் மதிப்பு வீழ்ச்சி அடைந்து கோடீஸ்வரர்களும் தெருவுக்கு வரவேண்டிய நிலை ஏற்படும். எனவே பங்குச்சந்தையில் பணம் போட்டால் கோடீஸ்வரர் ஆகிவிடலாம் என்ற எண்ணத்தில் மட்டும் பங்கை வாங்கக் கூடாது.