தயங்காமல் கேளுங்கள் - 30: தேயாமல் இருக்கும் தேமல்!

“டாக்டர்.. என் முகம், கழுத்து, முதுகுப்புற பகுதிகள்ல திட்டுதிட்டா தேமல் இருக்கு. வெய்யில் காலம், வேர்வைனு வந்தாலே இதுவும் வந்துடுது. இது வராம இருக்க வழி எதுவும் இருக்கா?" என்று கேட்டிருக்கிறார் பிளஸ் 1 பயிலும் நவீன்.

நமது உடல் உறுப்புகளிலேயே மிகப்பெரியது தோல். இது நமது உள் உறுப்புகளுக்குப் பாதுகாப்பு உறையாக செயல்படுகிறது. அது மட்டுமல்லாமல் நமது உடலின் தட்பவெப்பத்தை சமச்சீராக வைக்கவும், காயங்களை குணப்படுத்தவும், நீர் மற்றும் கொழுப்பை சேமிக்கவும், வெளிப்புறத்திலிருந்து பாதிக்கும் புற ஊதாக் கதிர்கள், ரசாயனங்கள் மற்றும் தொற்றுநோய் கிருமிகள் நேரடியாக நமது உடலுக்குள் நுழையவிடாமல் நம்மைப் பாதுகாக்கும் கேடயமாக விளங்குகிறது.