கையருகே கிரீடம் - 30: தமிழ்நாட்டில் பாதுகாப்பு தொழில்துறை தடம்: மாணவர்களுக்கான வாய்ப்புகள்

ராணுவத்துக்காக அதிகம் செலவழிக்கும் உலகின் முதல் ஐந்து நாடுகளில் இந்தியாவும் ஒன்று. பாதுகாப்புத்துறை தளவாடங்களை உள்நாட்டில் உற்பத்தி செய்து, பாதுகாப்புத்துறையில் தன்னிறைவு பெறும் நோக்கத்துடன் இந்தியாவின் இரு மாநிலங்களில் ‘பாதுகாப்பு தொழில்துறை தடங்கள்' (Defence Industrial Corridors) உருவாக்கப்பட்டுள்ளன. அந்த மாநிலங்கள் உத்தரபிரதேசம் மற்றும் தமிழ்நாடு ஆகும்.

இந்த தொழில்துறைத் தடங்களில், ஏற்கெனவே உள்ள தொழில் நிறுவனங்களோடு, புதிய தொழில் நிறுவனங்கள் தொடங்க ஏதுவாக கட்டமைப்பு வசதிகள் உருவாக்கப்படும். கூடி வாழ்ந்தால் கோடி நன்மை என்பதின்படி, பாதுகாப்புதுறை உற்பத்தி நிறுவனங்கள் ஒருசேரதொகுதியாக இயங்குவது பல நன்மைகளை தொழில் நிறுவனங்களுக்கும் தேசத்திற்கும் உண்டாக்கும்.