கையருகே கிரீடம் - 29: சிஎஸ்ஐஆர் ஆய்வகங்களில் வேலைவாய்ப்புகள்

அறிவியல் மற்றும் தொழில்நுட்ப அமைச்சகத்தின் ஒரு துறையான, அறிவியல் மற்றும் தொழில்துறை ஆராய்ச்சித் துறை (Department of Scientific and Industrial Research) மிக முக்கியமானது. உள்நாட்டு தொழில்நுட்பங்களை வளர்ப்பதிலும், மேம்படுத்துவதிலும் இத்துறை முக்கிய பங்காற்றுகிறது.

தொழில்நுட்பங்களை பொதுமக்களின் பரவலான பயன்பாட்டிற்காக, தொழில் நிறுவனங்களுக்குப் பரிமாற்றம் செய்வதிலும் இத்துறை குறிப்பிடத்தக்க சாதனைகளை செய்திருக்கிறது. இத்துறையின் கீழ் இயங்கும் தன்னாட்சி அமைப்பு, அறிவியல் மற்றும் தொழில்துறை ஆராய்ச்சி கழகம் (Council of Scientific and Industrial Research). இது சுருக்கமாக சிஎஸ்ஐஆர் (CSIR) என்று அழைக்கப்படுகிறது.