ஆயிரம் ஜன்னல் வகுப்பறை 24: கல்வி எப்படி இருக்க வேண்டும்?

வானொலியில் பாடல்களுக்கு இடையே பலவகை விளம்பரங்கள். அரசு விளம்பரங்களுள் அடிக்கடி வரிசெலுத்துவது பற்றிய விளம்பரம் கேட்டுக்கொண்டே இருந்தது. வரியை முறையாகச் செலுத்தினால் தான் நாட்டின் அடிப்படை வசதிகளான கல்வி, மருத்துவம் ஆகியவற்றை மேம்படுத்த முடியும் என்று அந்த விளம்பரம் சொல்லிக் கொண்டே இருந்தது.

கல்வியை முதல் அடிப்படையாகச் சொல்கிறார்கள். ஆனால் கல்வி மேம்பாட்டிற்கு ஒதுக்குவது வெறும் மூன்று சதவீதம் தான். கல்வி சார்ந்த உரையாடல்களில் சில ஆண்டுகளாக தேசிய கல்விக் கொள்கை இடம் பெறுகிறது. மாநில அளவில் ஒரு கல்விக் கொள்கையை உருவாக்கத் தமிழக அரசு ஒரு குழுவை அமைத்தது. இது மற்ற மாநிலங்களுக்கு முன்னுதாரணமான செயல்.