நானும் கதாசிரியரே 01: என்னாலும் கதை எழுத முடியுமா?

‘‘ஒரு ஊர்ல பாட்டி ஒருத்தவங்க வடை சுட்டுட்டு இருந்தாங்களாம்… அங்கே வந்த காக்கா ஒன்னு…” இப்படித் தொடங்கும் ’பாட்டி வடை சுட்ட கதை’யை எல்லோருமே கேட்டிருப்போம். இத்தனை ஆண்டுகளைக் கடந்தும் இந்தக் கதை திரும்பத் திரும்பச் சொல்லப்படுவது எப்படி?

நமக்கு மிகவும் பிடித்த பொழுதுபோக்குக் கதைகள் கேட்பதுதான். இரவு நேரத்தில்கதை கேட்டுக் கொண்டே தூங்கியிருப்போம். கதைகள் என்றாலே பழங்காலத்தில் சொல்லப்பட்டவை என்று பலரும் நினைக்கின்றனர். அப்படியென்றால், அந்தக் கதைகள் எங்கிருந்து வந்தன?