சைபர் புத்தர் சொல்கிறேன் - 27: இன்ஸ்டா‘கேம்’ விளையாடும் சிறார்கள்

அமெரிக்காவில் உள்ள பள்ளி மாணவர்கள் மத்தியில் இன்ஸ்டாகிராம் பயன்படுத்துவது அதிகமாக இருந்தது. அங்கு வந்த உளவியல் நிபுணர்கள் அந்த மாணவர்களிடம் பல கேள்விகள் கேட்டு ஆய்வு நடத்தினர். இன்ஸ்டாகிராம் செயலி ஏன் அவர்கள் மத்தியில் பிரபலமாக இருக்கிறது என்பது மிகப்பெரும் சந்தேகமாக இருந்தது. பொதுவாக மாணவ பருவத்தில் அதிகமாக வீடியோ கேம் விளையாடுவார்கள். விளையாட்டு, வீடியோ கேம்கள் என்றால் புரிந்துகொள்ளலாம் ஆனால் இன்ஸ்டாகிராம் எப்படி?

பல மாணவர்களின் பதில் ஆய்வாளர்களுக்கு அதிர்ச்சியைக் கொடுத்தது. அந்த பதில், “இன்ஸ்டாகிராம் என்பது இங்கு ஒரு கேம். அதில் தங்கள் புகைப்படம் போடும் யாருக்கு அதிகமாக ‘லைக்குகள்’ கிடைக்கிறது என்பதுதான் கேம். அதிக லைக்குகள் பெறுபவர் வெற்றியாளர். மாணவ பருவத்தில் விளையாடுவதில் அதிக நாட்டம் இருக்கும் என்றுதான் நமக்குத் தெரியும். ஆனால், சமூக வலைதளத்தையே அவர்கள் விளையாட்டாகத் தான் பார்க்கிறார்கள். அதனால்தான் டிக்டாக் முதல் ரீல்ஸ்வரை “சவால்” எனும் ஆபத்தான விளையாட்டுகள் பிரபலமாகிவிடுகிறது.