ஊடக உலா-24: மாணவர்களின் அறிவியல் தாகத்தை தணிக்க

மாணவர்களுக்கு முக்கியத்துவம் கொடுக்கும் வகையில் இந்திய சர்வதேச அறிவியல் விழா (India International Science Festival - IISF) வருடந்தோறும் நடந்து வருகிறது. இந்திய அரசின் அறிவியல் மற்றும் தொழில்நுட்ப அமைச்சகம் மற்றும் புவி அறிவியல் அமைச்சகம் நடத்தும் விழா இது.

புதுடெல்லி, லக்னோ, சென்னை, கோவா மற்றும் கொல்கத்தாவில் கடந்த ஆண்டுகளில் நடந்த அறிவியல் விழா இந்த ஆண்டு ஜனவரி 21 முதல் 24 வரை போபாலில் நடைபெற உள்ளது. நாடு முழுவதும் உள்ள மாணவர்கள், ஆய்வாளர்கள், விஞ்ஞானிகள் மத்தியில் பெரிய ஆர்வத்தினை தூண்டியுள்ளது இந்த வருட விழா. இது விஞ்ஞான பாரதியுடன் இணைந்து நாட்டின் புகழ்பெற்ற விஞ்ஞானிகளால் வழிநடத்தப்படும் சுதேசி உணர்வைக் கொண்ட அறிவியல் இயக்கமாகச் செயல்பட்டு வருகிறது.