உலகை மாற்றும் குழந்தைகள் 21: விளையாட்டுப் பொருளில் கண்டுபிடிப்புகள்!

அறையிலிருந்து வெளியில வரும்போது விளக்க அணைச்சிட்டு வாங்க செல்லம். எத்தன முறை சொல்லிருக்கேன். நாங்கள்லாம் மெழுகுவர்த்தி வெளிச்சத்துலயும், அதுவும் தீர்ந்துபோனதும் உருகிப்போன மெழுகுவர்த்தியெல்லாம் சேர்த்து ஒரு கிண்ணத்துல வெச்சு அதுல திரி போட்டு விளக்கு மாதிரி ஏத்தி படிச்சு வளந்தோம், தெரியுமா? என்று மகள் ஒளியினிடம் சொன்னார் தந்தை. இப்படி அப்பா சொன்னதும், கடந்த வாரம் ஆண்டு விழாவில் ஆன்டினி பற்றி, சிறப்பு விருந்தினர் பேசியது ஒளியினிக்கு ஞாபகம் வந்தது.

போலந்து நாட்டு தந்தைக்கும், பிலிப்பைன்ஸ் நாட்டு தாய்க்கும் மகளாக 1997-ல் பிறந்தவர் ஆன்மேக்கசின்ஸ்கி. செல்லப் பெயர் ஆன்டினி. கனடாவில் வாழ்கிறார். ஆன்டினி குழந்தையாக இருந்தபோது பெற்றோர் விளையாட்டுப் பொருட்கள் வாங்கிக் கொடுக்க வில்லை. எனவே, வீட்டில் இருந்த பழைய பொருட்களை எடுத்து, பிரித்து, ஒட்டி விளையாடினார். ஒட்டுவதற்கு, Hot Glue Gun பயன்படுத்தினார்.