சுவாரசியம், சாகசம் நிறைந்த கடல்சார் வேலை வேண்டுமா?

கடல் போலவே பரந்த வேலைவாய்ப்புகளை கொண்டிருப்பவை கடல்சார் படிப்புகள். போக்குவரத்து, வணிகம், சுற்றுலா, கட்டுமானம், பழுதுபார்ப்பு மற்றும் பராமரிப்பு என பரந்திருக்கும் கடல்சார் பணிகளில் ஆர்வம் கொண்டோர் இதற்கு தயாராகலாம்.

இதன் பணிச்சூழல் சவால்கள் நிறைந்தது என்பதோடு, கடல்மார்க்கமாய் உலகம் சுற்றும் வாய்ப்பும், சுவாரசியமான வாழ்க்கை அனுபவங்களும் உத்திரவாதமாக கிடைக்கும். படிப்பை மேற்கொள்வதற்கான கல்விக் கட்டணம் சற்று அதிகம் என்ற போதும், இதர பணிகளைவிட கடல்சார் பணிகளில் ஊதியமும் பல மடங்கு அதிகம். பல்வேறு கடல்சார் பொறியியல் படிப்புகளில் சேர IMU CET(Indian Maritime University - Common Entrance Test) என்ற பொது நுழைவுத் தேர்வு உதவுகிறது.