நீங்க ‘பாஸ்' ஆக வேண்டுமா? - 22: மாணவர்களும் தங்கத்தில் முதலீடு செய்யலாம்!

பணத்தை சேமிப்பது எவ்வளவு முக்கியமோ, அதனை சரியான முறையில் முதலீடு செய்வதும் முக்கியம். கடந்த அத்தியாயங்களில் உண்டியல், அஞ்சலகம், வங்கி ஆகியவற்றில் எவ்வாறு சேமிப்பது என்பது குறித்து பார்த்தோம். நாம் சேமிக்கும் பணத்தின் பாதுகாப்பு மற்றும் வழங்கப்படும் வட்டி விகிதம் ஆகியவற்றை பொறுத்து அது சிறந்த முதலீடா? தவறான முதலீடா? என்பதை கண்டறியலாம்.

இந்தியாவில் வங்கி முதலீடுகளுக்கு அடுத்த நிலையில் பெரும்பாலான மக்கள் தங்கம், நிலம் ஆகியவற்றில் முதலீடு செய்கின்றனர். அதிலும் த‌ங்கத்தின் மீதான மதிப்பும், ஆசையும் குறைவதே இல்லை. உலகிலே சீனாவுக்கு அடுத்ததாக இந்தியாவிலே மக்கள் அதிகமாக தங்கம் வாங்குகின்றனர். கடந்த 2021-ல் மட்டும் 1067 டன் தங்கத்தை இந்தியா இறக்குமதி செய்துள்ளது. அதாவது 10 லட்சத்து 67 ஆயிரம் கிலோ கிராம்.