வாழ்ந்து பார்! - 21: தகவல்தொடர்பிற்குத் தடையற்ற ஆளுமை எது?

முனைப்பற்றவர்கள், முரட்டுறுதியர் (Aggressive person) ஆகியோருக்கான தகுந்த உதாரணத்தை கடந்த வாரம் அளித்தார் ஆசிரியர் எழில். மேற்கொண்டு அது பற்றி பேசுகையில், கடையை அடைக்கும்பொழுதாவது தனக்கு வேண்டியவற்றைக் கொடுப்பீர்களா அல்லது நாளைக்குத்தான் கொடுப்பீர்களா என நக்கலாய் பேசுபவர், முனைப்பற்ற முரட்டுறுதியர் (Passive Aggressive person).

இத்தகையோர், தங்களது உரிமைகளும் தேவைகளும் மட்டுமே முக்கியம்; மற்றவர்களின் உரிமைகளும் முக்கியமில்லை எனக் கருதுபவர்கள். ஆனால், அதனை நேரடியாக, நேர்மையாக, பொருத்தமான முறையில் கூறமாட்டார்கள். சுற்றிவளைத்தோ உள்ளர்த்தத்தோடோ பேசுவார்கள் என்றார். உள்ளர்த்தத்தோடு என்றால்…என்று புரியாமல் வினவினான் தேவநேயன்.