டிஜிட்டல் கில்லாடி ஆகலாம்! - 21: இது புரிந்துவிட்டால் எலக்ட்ரீசியன் தேவையில்லை

மின்னணுவியலின் அடிப்படை குறித்து கடந்த வாரம் பேசத் தொடங்கினோம். அதிலும் சுவிட்சை உபயோகித்து சில மின் இணைப்புகளை எப்படி வடிவமைக்கலாம் என்று பார்த்தோம். ஒவ்வொரு சுவிட்சும் ஒவ்வொரு மின் சாதனத்தை கட்டுப்படுத்தும் என்பது பொதுவாக எல்லோருக்கும் தெரியும். ஆனால், இதிலிருந்து மின்னணுவியலைப் பற்றி அறிந்து கொள்வது எப்படி என்று தெரியாது. அதை பற்றிதான் இனி விவாதிக்க இருக்கிறோம்.

உதாரணத்துக்கு, நமது வீட்டில் உள்ள சுவிட்சுகளுக்கும், மின்விளக்குகளுக்கும் உள்ள தொடர்பை மாற்றி அமைக்க வேண்டும் என வைத்துக் கொள்வோம். இதற்கு நாம் உடனடியாக எலக்ட்ரீசியனை அழைத்து இந்த இணைப்புகளை மாற்றி அமைப்போம். இதேபோல நாம் ஒவ்வொரு முறை மாற்றி அமைக்க முயலும்போதும் எலக்ட்ரீசியனை அழைத்து இணைப்புகளை மாற்றச் சொல்லுவோம். இதற்கு பொறியாளர்கள் ஒரு புதிய முறையை கண்டறிந்தார்கள்.