வாழ்ந்து பார்! - 20: கோபத்தை எப்படியெல்லாம் காட்டுவீர்கள்?

ஒரு கடை. இருவர் பொருள்களை வாங்கிக் கொண்டு இருக்கின்றனர். மருதன் அங்கு வருகிறார். ஒருவர் பொருளை வாங்கிக் கொண்டு கிளம்புகிறார். மருதனுக்குப் பின்னால் இன்னொருவர் அங்கு வருகிறார். இரண்டாவது ஆளும் கிளம்பி விடுகிறார்.

வந்தவர்கள் வரிசைப்படி மருதனே அடுத்து பொருள் வாங்க வேண்டும். தனக்குத் தேவையானதைக் கூற அவர் ஆயத்தமாகிறார். ஆனால், கடைக்காரரோ, மருதனுக்குப் பின்னால் வந்தவரிடம் என்ன வேண்டும்? என்று கேட்டு, அவற்றைக் கொடுத்துக் கொண்டு இருக்கிறார். அப்பொழுது இன்னொருவர் வருகிறார்.