பெரிதினும் பெரிது கேள் - 20: திறமை மட்டுமல்ல சமூக அக்கறையும் முக்கியம்

பத்தாம் வகுப்பறைக்குள் நுழைந்த கணித ஆசிரியரான சுதன் பல இருக்கைகள் காலியாக இருப்பதை பார்த்து என்ன இன்னைக்கு நிறைய பேர் வரலையா? என்றார். ஆமா சார், நேத்து நைட் ஃபுட்பால் மேட்ச் பார்த்துட்டு லேட்டா தூங்கி இருப்பானுங்க என்றான் முத்து.

எனக்கும் கால்பந்து பிடிக்கும், நானும் கொஞ்ச நேரம் பார்த்தேன். அப்புறம் காலைல பள்ளிக்கு வர தாமதமாகிடும்னு தூங்கிட்டு, காலைல ஹைலைட்ஸ் பார்த்தேன். சார் உங்களுக்கு ஃபுட்பால் வீரர்களில் யாரை ரொம்ப பிடிக்கும்? திறமை அடிப்படையில மட்டும்னா ரெண்டு மூணு பேரை பிடிக்கும். ஆனா திறமை, மனிதநேய பண்புகள், பழக்க வழக்கங்கள் அடிப்படையில் போர்ச்சுக்கல் வீரர் கிறிஸ்டியானோ ரொனால்டோவை ரொம்ப பிடிக்கும். அப்படியென்ன நல்ல விஷயங்கள் அவர் கிட்ட இருக்கு சார்?