பிளஸ் 2க்குப் பிறகு - 9 | பி.பிளான்: படிப்பு புதிது; எதிர்காலம் இனிது!

‘எதையும் பிளான் பண்ணி பண்ணனும்’ வடிவேலு பாணியில் பேராசிரியர் ராகவன் இழுத்து பேசியதும், கூடியிருந்த மாணவ மாணவியர் சிரித்து விட்டார்கள். மழை காரணமாக தாமதமாக வந்த சிலர் தங்களைத்தான் பேராசிரியர் இடித்துப் பேசுகிறாரோ என்று திகைத்தனர். பின்னர் அன்றைய தினம் பேராசிரியர் பேசப் போகும் தலைப்பே இதுதான் என்று அறிந்ததும் சுவாரசியத்துடன் கவனிக்க ஆரம்பித்தார்கள்.

பொறியியல் பட்டதாரிகள் தங்கள் பெயருடன் பி.இ., பி.டெக்., பி.ஆர்க்., என்றெல்லாம் போட்டிருப்பதை பார்த்திருப்பீர்கள். அவற்றில் புதிதாக பி.பிளான் (B.Plan) என்பதும் சேர இருக்கிறது. இந்த வருடம் புதிதாக அறிமுகமான பி.பிளான் படிப்பு குறித்து பலர் அறியாது இருக்கிறார்கள். வரும் ஆண்டுகளில் இந்த படிப்பு இன்னும் பிரபலமாக இருப்பதால், தற்போதைய பள்ளி மாணவர்களான நீங்கள் அது குறித்து அறிந்து கொள்வது நல்லது.