நீங்க ‘பாஸ்' ஆக வேண்டுமா? - 16: சேமிப்பு பணத்தை இரட்டிப்பாக்க வேண்டுமா?

முந்தைய அத்தியாயத்தில் குழந்தைகளுக்கு உண்டியலில் பணத்தை எவ்வாறு சேமிக்கக் கற்றுக் கொடுப்பது என்பது குறித்து பார்த்தோம். குழந்தைகள் வளர ஆரம்பிக்கும் தொடக்க நிலையில் எளிய முறையில் சேமிப்பதற்கு உண்டியல் முறை உதவும். ஆனால், நீண்ட கால சேமிப்பு திட்டத்துக்கு அது பயன் தராது. ஏனெனில் உண்டியலில் 10 ரூபாய் போட்டால் 10 ஆண்டுகளுக்கு பிறகும் அந்த 10 ரூபாய் அப்படியே இருக்கும். ஆனால், பத்து ஆண்டுகளுக்கு முன்பு இருந்த பணத்தின் மதிப்பை விட தற்போது அந்த பணத்தின் மதிப்பும் நடைமுறையில் மிகவும் குறைந்திருக்கும். அது பற்றிய விழிப்புணர்வை நாமும் பெற வேண்டும். குழந்தைகளுக்கும் உணர்த்த வேண்டும்.