நீங்களும் யூபிஎஸ்சி வெல்லலாம் - 14: பள்ளியில் தவறவிட்ட வெற்றியை யூபிஎஸ்சியில் பிடித்து ஐபிஎஸ் ஆனவர்

தனது பள்ளிக் காலத்தில் ரேங்க் பெறாத கடைசி பெஞ்ச் மாணவர் ஜி.இளமாறன். பிறகு யூபிஎஸ்சிக்கு குறி வைத்து படித்தவர் 2016-ல் ஐபிஎஸ் பெற்று உத்தரப்பிரதேசம் அமேதியில் மாவட்ட எஸ்பியாகி உள்ளார்.

திருவாரூர் மாவட்டம் மன்னார்குடி தாலுகாவின் கருவாக்குறிச்சி கிராமத்தை சேர்ந்தவர் இளமாறன். இவரது தந்தை கோவிந்தராஜு, கிராமக் கூட்டுறவு வேளாண் வங்கியில் பணியாற்றி ஓய்வு பெற்றவர். தாய் கலாவதி, உடன் பிறந்த மூத்தவர்களில் மணமான சகோதரன் மணிமாறன் மற்றும் சகோதரி ஆகியோர் குடும்பத்தினர். இக்குடும்பத்தின் முதல் பட்டதாரியான டாக்டர்.ஜி.இளமாறன், கால்நடை மருத்துவத்தில் முதுநிலை முடித்தவர்.