ஊடக உலா - 15: டாப் 100 யூடியூபர்களுடன் ஒரு சந்திப்பு!

சமீபத்தில் தமிழகத்தின் டாப் நூறு யூடியுப்பர்களை ஒரே இடத்தில் சந்திக்கும் வாய்ப்பு கிடைத்தது. வந்திருந்த ஒவ்வொரு யூடியுப் சேனல்களும் தனித்துவமானவை. ஒரு சேனல் போல் இன்னொரு சேனல் இல்லை. நிகழ்ச்சியின் ஏற்பாட்டாளர்கள், ஒவ்வொரு சேனலையும் பார்த்துப் பார்த்துத் தேர்வு செய்திருந்தனர். அதில் பல சேனல்களைச் சேர்ந்தவர்கள் தங்களின் அனுபவங்களை பகிர்ந்து கொண்டனர்.

வந்திருந்த நூறு சேனல்களில் ஒன்று எப்படி பவுண்டைன் பேனாவை சர்வீஸ் செய்வது என்பதாகும். இந்த சேனல் முழுக்க பேனாக்களின் வீடியோக்கள்தான் கொட்டிக் கிடக்கின்றன. இன்றைய காலகட்டத்தில் யார் சார் இங்க் பேனாவைப் பயன்படுத்துகிறார்கள் என்று கேட்கும் காலத்தில்தான் இந்த சேனலும் டாப் நூறு சேனல்களின் பட்டியலில் இடம்பெற்றுள்ளது.