சைபர் புத்தர் சொல்கிறேன் - 15: ஆன்லைன் ஃப்ரீலான்ஸர் ஆவது சுலபமா?

கரோனா காலம் முதல் பெரும்பாலான வேலைகள் ஆன்லைனில் வந்துவிட்டன. இதனால் வீட்டிலிருந்தே வேலை செய்பவர்களின் எண்ணிக்கையும் கணிசமாக அதிகரித்துள்ளது. இருந்தாலும் அனைத்து வேலைகளும் ஆன்லைனில் வந்துவிடவில்லை. ஃப்ரீலான்ஸ் (freelance) எனச் சொல்லப்படும் ஒரு வேலை முறை படிப்படியாகப் பிரபலமாகி வருகிறது. இந்த வேலை முறையில் நீங்கள் ஒரே ஒரு நிறுவனத்தில்தான் வேலை பார்க்க வேண்டும் என்பதில்லை. திறமையும் அனுபவமும் இருக்கும் பட்சத்தில் சின்ன சின்ன ப்ராஜக்ட்களை செய்து கொடுப்பதன் மூலம்பணம் ஈட்டலாம். உங்களுக்கு உலகம்முழுவதும் வாடிக்கையாளர்கள் கிடைப்பார்கள். ஆனால், உங்களுக்குப் போட்டியாளர்களும் உலகம் முழுவதும் இருக்கிறார்கள் என்பதைக் கவனத்தில் கொள்ள வேண்டும்.