டிஜிட்டல் கில்லாடி ஆகலாம்! - 14: மின்கட்டணம் எப்படி கணக்கிடப்படுகிறது தெரியுமா?

மின் உற்பத்தி, மின் பயன்பாடு மற்றும் மின் அனுப்புதல் பற்றி இதுவரை பார்த்தோம். இவற்றை பொறியாளர்கள் வோல்டேஜ் (Voltage), ரெசிஸ்டன்ஸ் (Resistance) மற்றும் கரண்ட் (Current) என்று ஆங்கிலத்திலும், மின் அழுத்தம், மின் தடை மற்றும் மின் ஓட்டம் என்று தமிழிலும் அழைக்கிறார்கள்.

மின்னழுத்தம் இல்லையெனில் மின் ஓட்டம் கிடையாது. மின்தடை இரண்டு வேலைகளை செய்கிறது. ஒன்று மின்னோட்டத்தை கட்டுப்படுத்துகிறது. இரண்டாவது, மின் ஓட்டத்துடன் இணைந்து மின்சக்தியை பிற சக்தியாக மாற்றுகிறது. மின்சக்தி என்பது மின்னழுத்தம் மின் ஓட்டம் மற்றும் மின் தடையை பொறுத்தது. மின்ஓட்டம் இல்லையெனில் மின்சக்தி இல்லை. இப்பொழுது மின்ஆற்றலுக்கும் (energy), மின்சக்திக்கும் (power) உள்ள வித்தியாசத்தை பார்ப்போம்.