ஈஸியா நுழையலாம்-5: தோல் பொருள் வடிவமைப்பில் தூள் படிப்பு!

பேஷன் டெக்னாலஜி தொடர்பான படிப்புகள் குறித்தும், அவற்றை நேஷனல் இன்ஸ்டிடியூட் ஆஃப் ஃபேஷன் டெக்னாலஜி போன்ற கல்வி நிறுவனங்களில் படிக்கலாம் என்பது குறித்தும் கேள்விப்பட்டிருப்போம். இவற்றுக்கு இணையாக தோல்பொருள் வடிவமைப்பு சார்ந்த ஃபேஷன் டெக்னாலஜியும் பல்வேறு தளங்களில் விரிவான வேலைவாய்ப்புகளுடன் வளர்ந்து வருகிறது.

மத்திய அரசின் வர்த்தக மற்றும் தொழில் துறை அமைச்சகத்தின் கீழ் தோல் பொருள் வடிவமைப்புக்கு என்றே பிரத்யேகமான உயர்கல்வி நிறுவனங்கள் செயல்படுகின்றன. இந்த வகையில் சென்னை, கொல்கத்தா, ஹைதராபாத் உட்பட நாட்டின் பல முக்கிய நகரங்களில் காலணி வடிவமைப்பு மற்றும் மேம்பாட்டு நிறுவனத்தின் கீழ் பல்வேறு கல்வி நிலையங்கள் செயல்படுகின்றன.