உலகை மாற்றும் குழந்தைகள் 8: புற்றுநோய்க்கு மருந்து கண்டுபிடியுங்களேன்!

“என்ன! குறள் நல்லாருக்கியா?” அத்தையின் குரல் கேட்டதும் மகிழ்ச்சியில் திரும்பினாள் குறளரசி. ஓடிச்சென்று, தலை குனிந்து கைகூப்பினாள். தலையில் கை வைத்து ஆசிர்வாதம் கொடுத் தார் அத்தை. அத்தை வந்தாலே, குறளை கையில் பிடிக்க முடியாது.

வாசலில் நாற்காலி போட்டு மணிக்கணக்காக பேசுவார்கள். “அத்தையும் மருமகளும் அப்படி என்னதான் பேசுவீர்களோ, தெரியல” என்று அம்மா அடிக்கடி குறைபட்டுக் கொள்வார். அத்தைக்கு நிறைய கதைகள் தெரியும். அதிலேயும், சின்ன வயதிலேயே சாதித்தவர்களோட கதையென்றால் குறளுக்கு ரொம்ப பிடிக்கும். போன மாதம்கூட, அலெக் சாண்ட்ரா பற்றி சொன்னார்கள்.