பெரிதினும் பெரிது கேள் - 9: மகிழ்ச்சியின் ரகசியம்!

வேலன் அரசு பள்ளியில் பிளஸ் 1 படிக்கும் மாணவன். எப்போதும் எல்லாவற்றிலும் குறை காணும் இயல்பு கொண்டவன். அன்றும் அவன் அம்மா தந்த உப்புமாவை பார்த்ததும் ஏம்மா உப்புமா, பழைய சோறு இதைத் தவிர வேற ஏதும் தர மாட்டியா? சரி அதை விடு எனக்கு நாளைக்கு பிறந்தநாள் ஞாபகம் இருக்கா? ஜீன்ஸ் பேண்ட், டீ ஷர்ட் வாங்கி குடுன்னு சொன்னேன், என் பிரெண்ட்ஸ்க்கு ட்ரீட் குடுக்கணும் 200 ரூபா கேட்டேன் என்னாச்சு?

ஏண்டா வீட்டு நிலைமை புரியாம இப்படி பேசுற! பொறந்த நாளுக்கு புது துணி வாங்கிபோட்டு, பிரெண்டஸ்க்கு ட்ரீட் குடுக்குற நிலைமையில இப்ப நாம இல்லைடா புரிஞ்சுக்கோ என அம்மா சொன்னாள்.