பெரிதினும் பெரிது கேள்-5: நட்பு என்பது வாய்ப்பு அல்ல பொறுப்பு!

எப்போதும் பள்ளியிலிருந்து வரும் போது படபடவென சந்தோஷமாக பேசிக் கொண்டு வரும் செல்வம் அன்று வருத்தமான முகத்துடன் அறையில் போய் அமர்ந்தான். இதை கண்ட அவனது அம்மா ஜோதி அவனருகில் சென்றார். “என்னப்பா செல்வம், ஏன் டல்லாயிருக்க?” என கேட்டார்.

அம்மா உங்களுக்கே நல்லா தெரியும் எனக்கு நிறைய நண்பர்கள் உண்டு. அதிலும்ராஜன், அருள், இப்ராஹிம், கதிரேசன் இவங்கெல்லாம் என்னோட உயிர் நண்பர்கள்ன்னு இத்தனை நாள் நெனச்சுட்டிருந்தேன். நீங்க எனக்கு குடுக்குற சாப்பாடு, பலகாரத்தையெல்லாம் வாங்கி சாப்பிடும்போது இனிக்க இனிக்க பேசுவாங்க.