கையருகே கிரீடம் - 4: மலையேறப் பயிற்சியும் கொடுத்து, வேலையும் தராங்க!

தேசிய இமயமலை சாகசத்தில் பங்கேற்று 14,000 அடி உயரம் ஏறினேன். அந்த பனிமலைப் பயணம் எனது பல படிப்பினைகளைத் தந்து எத்தனையோ சவால்களை எதிர்கொள்ள என்னை தயார்ப்படுத்தியது.

மலைத்தொடர்களை பார்ப்பதற்கே மலைப்பாக இருக்கும். அதிலும் பசுமை போர்த்திய மலைகளும், பனி மலைகளும் நம்மைவேறொரு உலகத்துக்கு அழைத்துச் செல்லும். மலையேற எல்லா இளையோருக்கும் பிடிக்கும். தமிழர்களுக்கும் மலைக்கும் நெடிய தொடர்புண்டு. மலையும் மலையைச் சார்ந்த பகுதிகளையும் குறிஞ்சி என்று நாம் அழைத்து மகிழ்கிறோம்.