மகத்தான மருத்துவர்கள்-2: தள்ளாத வயதிலும் மாணவர்களிடம் அன்பு செலுத்திய மருத்துவர்!

மருத்துவத்துறையின் விடிவெள்ளி டாக்டர் ஏ.எல். முதலியார் குறித்து கடந்த வாரம் பேசினோம். அவர் மேலும் பல சாதனைகளை புரிந்தவர். அவற்றை இன்று தெரிந்து கொள்வோம் வாருங்கள் மாணவர்களே!

இங்கிலாந்து மகாராணி எலிசபெத் நீண்ட பிரசவ வலியில் அவதிப்பட்டபோது, இங்கிலாந்தின் அரச மருத்துவர்களே தொலைபேசியில் ஆலோசனை கேட்டது டாக்டர் ஏ.எல். முதலியாரிடம்தான். அப்படி அவர் கொடுத்த ஆலோசனையின் பேரில் ராணிக்கு சுகப்பிரசவம் நடக்க, அவரது பணியைப் பாராட்டி ‘Safest Midwife' என்ற உலகளவில் சிறந்த பட்டத்தை அவருக்கு வழங்கினார்களாம். இந்த சமயத்தில்தான் ஆஸ்துமா காரணமாக மிகவும் உடல் நலிந்த நிலையிலிருந்த கர்ப்பிணியான தமிழகத்தின் முதல் பெண் டாக்டர் முத்துலட்சுமி ரெட்டிக்கும் பிரசவம் பார்த்திருக்கிறார் ஏ.எல். முதலியார்.