கனியும் கணிதம் 54: கனியட்டும் கணிதம்

கணிதம் எங்கும் நிறைந்துள்ளது. இதனை ஒரு வரியாகக் கடந்துவிடாமல், காலை எழுந்ததிலிருந்து, குளிப்பது, பள்ளிக்குக் கிளம்பு வது, வண்டியில் செல்வது, இதிலெல்லாம் என்ன கணிதம், வகுப்பறையில், அதன் பரப்பளவு, அதற்கு வண்ணம் தீட்டுவது, குடிக்கும் தேநீரில் கணிதம், உடலில் இருக்கும் எண்கள், தலையில் இருக்கும் எண்கள், ஊருக்குப் போகும்போது கணிதம் எனச் சுற்றிச் சுற்றி கணிதத்தை பார்த்தோம்.

இன்னும் இன்னும் கணிதம் எங்கும் நிறைந்துள்ளது. அது இனிப்பான ஒன்று. கடினம் கடினம் எனச் சொல்லிச் சொல்லியே அதை பாதி கடினமாக்கிவிட்டனர். மேலும் அதைத் தலைமுறை தலைமுறையாகவும் கடத்தவும் செய்கின்றனர்.