தயங்காமல் கேளுங்கள் - 60: தழும்பு மறைய இதை செய்து பாருங்கள்

காயத்தினால் உண்டாகும் தழும்புகள் மட்டுமன்றி முகப்பருக்களின் தழும்புகள், அம்மைத் தழும்புகள், மருக்கள், கர்ப்பகாலத்தில் வயிற்றிலும் முதுகிலும் தோன்றும் ஸ்ட்ரெட்ச் மார்க்குகள் என அனைத்திலுமே கொலாஜனின் நெகிழும் தன்மை குறைவதால், நமது உடலின் இயல்பிலிருந்து மாறுபட்டு நிற்கின்றன தழும்புகள்.

அதில் ஒருசிலருக்கு மட்டும், வலி, நிற மாற்றம், அரிப்பு, தடிமனான தழும்பு (Keloids Hypertrophic scar), அதன் காரணமாக இயக்கமுடக்கல் என வெளித்தெரியும் வேதனைகளையும் இவை ஏற்படுத்தி விடுகின்றன. மொத்தத்தில் தழும்புகள் ஏற்படுவது என்பது தன்னிச்சையாக நிகழும் ஒரு பாதுகாப்பு செயல். அதை முற்றிலும் தவிர்க்க முடியாது. அதேசமயம் இந்தத் தழும்புகள் மறையும் அல்லது மட்டுப்படும் உக்திகள் இருக்கின்றன.