மகத்தான மருத்துவர்கள் - 51: கண்ணான கண்ணே என போற்றப்படும் மருத்துவர் எஸ்.எஸ்.பத்ரிநாத்

உள்ளூரில் வயோதிகத்தின் காரணமாக ஒரு மருத்துவர் மரணமடைகிறார். அவரது மறைவுக்கு மருத்துவ உலகமே கண்கலங்குகிறது. மரியாதை செலுத்துகிறது. அதே மருத்துவரின் மறைவுக்கு நாட்டின் பிரதமரும் இரங்கல் செய்தி வெளியிடுகிறார். மாநில முதலமைச்சரும் தனது ஆழ்ந்த இரங்கலைத் தெரிவிக்கிறார். எதிர்க்கட்சி தலைவரும் தனது அனுதாபங்களை வெளிப்படுத்துகிறார்.

பல முன்னணி நிறுவனங்களின் தலைவர்களும் அவரது மறைவுக்கு வருந்துகின்றனர். விளையாட்டு மற்றும் கலை உலகத்தினர் பலரும் அஞ்சலி செலுத்துகின்றனர். இவ்வளவுக்கும் அவர் எந்தவொரு அரசுப் பதவியிலும் இல்லாதவர் என்றால் அவர் யார், அப்படி என்ன செய்தார் என்ற கேள்வி எழுகிறதல்லவா? அதைத் தெரிந்துகொள்ள 83 வயதில் அண்மையில் மறைந்த டாக்டர் எஸ். எஸ். பத்ரிநாத்தின் வாழ்க்கையைப் பற்றி தெரிந்துகொள்ள வேண்டும்.