போவோமா ஊர்கோலம் - 20: குளத்துக்கு நடுவே ஜொலிக்கும் அமிர்தசரஸின் தங்கக் கோயில்

சண்டிகரில் இருந்து அடுத்து நாம் செல்லப்போவது அமிர்தசரஸ் நகருக்கு. அமிர்தசரஸில் இருக்கும் பொற்கோவிலுக்கு செல்ல வேண்டும், மிகப்பழமையான நகரத்தின் வீதிகளில் நடக்க வேண்டும் என்பது இந்த பயணத்தில் தவறவிடக் கூடாத ஒன்றாகத் தீர்மானித்து இருந்தோம். அதற்காகவே சண்டிகரிலிருந்து அதிகாலையிலேயே கிளம்பினோம்.

டெல்லியில் நடந்த பஞ்சாப் விவசாயிகள் போராட்டம் நினைவிருக்கிறதா, லட்சக்கணக்கான பஞ்சாப் விவசாயிகள் டெல்லியில் இரவு பகலாக போராடினார்களே, அந்த போராட்டத்தில் தமிழ் பேசும் ஒரு பஞ்சாப் விவசாயி, அப்போது தமிழ் ஊடகங்களுக்குத் தொடர்ச்சியாக அங்கு நடக்கும் விஷயங்களை செய்தியாகவும் நேர்காணலாகவும் கொடுத்துக் கொண்டிருந்தார். அவர் பெயர் கோல்டன் சிங்.