நானும் கதாசிரியரே! - 23: பேச்சுத் தமிழா? உரைநடை தமிழா?

கதை எழுதும் முறை, மொழிநடை, ரசனை உள்ளிட்ட பல விஷயங்களை ஒவ்வொன்றாகப் பார்த்து வருகிறோம். சிலர் நிறைய கதைகள் படிக்கவும் தொடங்கியிருப்பீர்கள்.

மொழிநடை பற்றி பார்க்கையில் முக்கியமான ஒரு கேள்வி பலருக்கும் எழும். கதையை உரைநடை தமிழில் மட்டும்தான் எழுத வேண்டுமா? பேச்சுத் தமிழிலும் எழுதலாமா என்பதுதான். இரண்டு விதமாக எழுதலாம் என்று பொதுவாகச் சொல்லிவிடலாம். ஆனாலும், இன்னும் தெளிவு பெற இது பற்றி விளக்கமாக பார்க்கலாம்.