வாழ்ந்து பார்! - 47: ஏன் கவலை வருகிறது?

தன்னைப் பற்றித் தானே தாழ்வாக எண்ணாமல் இருப்பதைப் போலவே, மற்றவர்களைப் பற்றியும் தாழ்வாக எண்ணக் கூடாது அல்லவா? என்று வினவினான் அருளினியன். ஆம். யாரேனும் ஒருவர் நம்மை இழிவுபடுத்தும் பொழுது நமக்குத் தாழ்வுமனப்பான்மை ஏற்பட்டு, தன்னம்பிக்கை குறைந்து, செயல்திறம் முடங்கி, முயற்சிகள் தளர்ந்து, நமது முன்னேற்றம் தடைப்படுவதைப்போலவே, நாம் பிறரை இழிவுபடுத்தினால் அவருக்கும் நிகழும். எனவே, இழிவுபடுதலும் கூடாது; இழிவுபடுத்தலும் கூடாது என்றார் எழில்.

ஆக, தனது பலங்களைப் புரிந்துகொள்ளாமையும் அவற்றை வெளிப்படுத்த இயலாமையும் ஒருவரின் இழிவிற்குக் காரணங்கள் எனலாமா? என்று வினவினாள் நன்மொழி. அப்படியே சொல்லலாம் என்றார் எழில்.