இவரை தெரியுமா? - 17: குண்டூசி கதை சொன்ன மக்கள் பொருளாதார அறிஞர்

தொழிற் புரட்சிக்கு முன்பாகவே, வேலை பகுப்புமுறை மூலம் திறமாக வேலை வாங்கும் சூட்சுமத்தை முன்மொழிந்தவர் ஆடம் ஸ்மித். இதையொரு குண்டூசி கதை மூலம் அவர் நூலில் காணலாம். ஒரு குண்டூசி தொழிற்சாலையில் பணியில் ஈடுபட்டுள்ள தொழிலாளிகள் அனைவரும் முழுமுதல் குண்டூசி தயாரிப்பில் ஈடபடக்கூடாது. ஒருவர் கம்பி உருவாக்கினால்; மற்றொருவர் அதன் தலைப்பகுதியை உருவாக்கலாம்; மிதமிருப்பவர்கள் அதை இணைக்கும் வேலையில் ஈடுபடலாம்.

ஒரு குறிப்பிட்ட வேலையை திரும்பத் திரும்பச் செய்வதால் அதில் நுட்பமும் திறனும் கூடுவதோடு, உற்பத்தி‌ பெருகும் என்றார். இது இன்றைக்குச் சாதாரண யோசனையாகப் பட்டாலும், அவர் காலத்தில் பலர் இதற்குப் பித்துப் பிடித்து அலைந்தனர்.