நீங்க ‘பாஸ்' ஆக வேண்டுமா? - 44: க‌டன் என்னும் நெருப்பு

“கடன் அன்பை முறிக்கும்' என்ற வாசகத்தை அடிக்கடி கேட்டிருப்போம். ‘கடன் பட்டார் நெஞ்சம் போல் கலங்கினான்' என்று இலக்கியத்திலும் படித்திருப்போம். ‘கடன் தொல்லையால் தற்கொலை' என செய்திதாளில் அன்றாடம் வாசிக்கிறோம். இந்த வார்த்தைகள் எல்லாம் ‘கடன் எவ்வளவு கொடுமையானது' என்பதை விவரிக்கின்றன.

‘கடன் அற்ற வாழ்க்கையே சிறந்தது' என முன்னோர்கள் சொல்லியிருக்கிறார்கள். அதனால் ‘கடன் வாங்குவது பெரும் குற்றம்' என்பதை சொல்லியே வளர்த்திருக்கிறார்கள். இதனால் கடன் வாங்குபவர்களை குற்றவாளிகளைப் போல பார்க்கிறோம். ஆனால், அம்பானியும் அதானியும்கூட கடன் வாங்குகிறார்கள். அவர்கள் எப்படி உலகின் மிகப்பெரிய பணக்காரர்கள் ஆனார்கள்?