இவரை தெரியுமா?-12: தாவோயிசத்தின் தந்தை லாவோ

“பானையில் என்ன இருக்கிறது என்று அதை எல்லோரும் பயன்படுத்துகிறார்கள். உண்மையில் அதில் ஒன்றுமே இல்லை. பானையின் உபயோகத்தன்மையே அதன் வெற்றிடத்தில்தான் இருக்கிறது. ஆகவே உங்கள் இயலாமையை நினைத்து வருத்தப்படாதீர்கள்” என்று லாவோ சீ வழக்கம்போல் தன் பாடங்களைப் போதித்துக் கொண்டிருந்தார்.

அவரைச் சுற்றிலும் எண்ணற்ற சீடர்கள். ஒவ்வொருவராக இடைமறித்து சந்தேகங்கள் கேட்டனர். அத்தனைக்கும் பொறுமையாக பதில் சொன்னார். உலகின் புராதனமான தாவோயிச மதம் இப்படித்தான் வளர்ச்சி பெற்றது.