திறன் 365 - 13: சாக்லெட் கொடுத்து மகிழ்ச்சியாக கற்றுக்கொடுங்கள்!

ஒரு பாக்கெட் சாக்லெட் வகுப் பறையை இனிப்பானதாக்கிவிடும். அட! சாக்லெட் சாப்பிடுவதால் இல்லை. வித்தியாசமான செயலால். வித்தியாசமே வியப்பை உருவாக்கும். வழக்கமான செயல் மந்தத்தன்மையை உருவாக்கலாம். ஆகவே, இந்தமுறை வித்தியாசமான செயல்கள் செய்யும் வாய்ப்பை சிறுவர்களுக்குக் கொடுப்போம். இதற்கு ஆசிரியர்களின் முன் தயாரிப்பு தேவை.

ஒரு பாக்கெட் சாக்லெட் வாங்கவும். வெளிப்புற காகிதத்தைப் பிரிக்கவும். சாக்லெட்டின் மேல் சுற்றியுள்ள காகிதத்தினை தனியாக கிழியாமல் எடுக்க வேண்டும். அக்காகிதத்தில் படம் வரையலாம். பெயர் சொற்களை எழுதலாம். படம் வரைந்த, படம் ஒட்டிய புதிய புதிய தாளை சாக்லெட் மீது சுற்றலாம். அதன்பின், வழக்கம்போல் பிரித்தது தெரியாமல், வெளிப்புற காகிதத்தை நிதானமாகச் சுற்றவும்.