கழுகுக் கோட்டை - 13: தூண்டிய பசியும் தூண்டிலில் சிக்கிய மீனும்...

ஏரிக்கரை மரப்பொந்தில் கழுகு குஞ்சுகளைப் பாதுகாப்பாக வைத்துவிட்டு வந்த குணபாலனுக்கு அவற்றுக்குத் தீனி போடுவதற்கு ஒரு யோசனை தோன்றியது. அதைச் செயல்படுத்த அவன் தங்கியிருந்த குடிலை நோக்கி ஓடினான். அங்கு அவன் வருவதற்கு முன் ஓர் ஆலோசனைக் கூட்டம் நடந்து கொண்டிருந்தது.

அந்தக் கூட்டத்துக்கு வயதில் பெரியவரும் மூத்தவர்களும் தலைமை தாங்கினர். அங்குத் தங்கி போர்ப் பயிற்சியில் ஈடுபட்ட ஏனைய இளைஞர்களும் அங்கே ஒன்றாகக் குழுமியிருந்தனர். குணபாலனை பல ஆபத்துகளில் இருந்து காப்பாற்றிய சேரலாதனும் அவரகளுக்கு நடுவில் வீற்றிருந்தார்.