மாறட்டும் கல்விமுறை - 10: எதற்காக செய்ய வேண்டும்?

வேகமாக வீட்டுப்பாடம் செய்தால் கார்ட்டூன் பார்க்க அனுமதிக்கிறேன். நீ இதை எழுதி முடித்தால் வெளியே சென்று விளையாடலாம். தேர்வில் நல்ல மதிப்பெண் வாங்கினால் சைக்கிள் வாங்கித்தருகிறேன். அதுபோல் இந்தப் பட்டியலை வளர்த்துக்கொண்டே போகலாம்.

நீ அதைச் செய்தால் நான் இதைச் செய்கிறேன் என்று குழந்தைகளை ஒரு செயலில் ஈடுபட வைப்பது பலன் தராது அல்லது அப்படிக் கிடைக்கும் பலன் தாற்காலிகமானது என்பதை வல்லுநர்கள் ஆய்வுப்பூர்வமாக நிரூபித்துள்ளனர்.