பூ பூக்கும் ஓசை - 9: மனிதர்களைக் காக்கும் புலிகள்!

உலக அளவில் புலிகள் அழிந்து வருவதாகவும், புலிகளைக் காப்பாற்ற வேண்டும் என்றும் நாம் அடிக்கடி செய்திகளில் படிக்கிறோம். புலிகள் காட்டில் எங்கோ ஒரு மூலையில் வாழ்பவை. நாமோ நகரங்களில் அத்தனை வசதிகளுடன் பாதுகாப்பாக வாழ்ந்து கொண்டிருக்கிறோம். புலிகள் அழிந்தால் நமக்கு என்ன கவலை? புலிகளைக் காப்பாற்ற நாம் ஏன் அல்லல் பட வேண்டும்?

இந்தியாவில் புலிகள் பாதுகாப்புத் திட்டம் இந்திய அரசால் 1973இல் கொண்டு வரப்பட்டது. இந்தத் திட்டம் தொடங்கப்பட்டு 50 ஆண்டுகள் நிறைவை இந்தியா கொண்டாடி வருகிறது. இந்த திட்டம் தொடங்கப்பட்டபோது 9 புலிகள் சரணாலயங்களும் அவற்றில் 1800 புலிகளும் இருந்தன.