கனியும் கணிதம் 29: சீக்கிரமாய் போவோம்

ஒரு மைதானம் இருக்கிறது. மைதானம் செவ்வக வடிவில் இருக்கிறது. வேலிகள் எதுவும் இல்லை. மைதானத்தில் நான்கு புறமும் சாலைகள் இருக்கின்றன. மைதானத்திற்குள்ளும் இறங்கி நடக்கலாம். நீங்கள் புள்ளி 1-ல் இருந்து புள்ளி 4-க்கு செல்லவேண்டும். விரைவில் நடந்து செல்லவேண்டும். சாலையிலும் அதே வேகத்தில் நடக்கலாம், மைதானத்திலும் அதே வேகத்தில் நடக்கலாம்.

மிகவும் எளிதாகவோ தன்னிச்சையாகவோ நேராக 1-ல் இருந்து 4-க்கிற்கு நடந்து செல்லலாம் என்று சொல்லிவிடுவீர்கள்? இது எப்படி சாத்தியமானது? ஏன் 1 – 2 – 4-வோ, 1-3 -4 வோ தூரமாக இருக்கும் என எப்படி மனம்ஒரு முடிவுக்கு வந்தது? கண்ணால் பார்த்தாலே தெரிகிறதே எனலாம். புள்ளி 1-ல் இருந்து புள்ளி 4-க்கு ஒரு கற்பனை கோடு வரையவும். 1-4-2 : ஒரு முக்கோணம் வந்துவிட்டதா? முக்கோணத்தின் இரண்டு பக்கக் கூட்டுத்தொகை மூன்றாம் பக்கத்தைவிட எப்போதும் அதிகமாகவே இருக்கும். இதனை மீறி ஒரு முக்கோணத்தை வரைய முடியுமா பாருங்கள்.